Stjórnendur eiga að bera ábyrgð

Það þar nú ekki að koma neinum á óvart nema ef vera skyldi Svandísi Svavarsdóttir að Guðmundur Þóroddsson forstjóri Orkuveitur Reykjavíkur skyldi þurfa að taka pokann sinn.    Hann ásamt fleirum fóru kerfisbundið á bak við Vilhjálm f.v. borgarstjóra til þess að koma REI undir FL group og Hannes Smárason.    Vilhjálmur og Hannes voru látnir taka sína poka, og því spyr maður sig hvers vegna Guðmundur ætti ekki líka að gera það.    Það eru enn nokkrir umframpokar enn inna Orkuveitunnar sem mega missa sín, reyndar er þörf á að fjarlægja þá.

Athugasemdir

[Jóhann Páll Símonarson, 31.5.2008 kl. 13:52]

Heill og sæll Kristinn.

Smá athugasemd. Vilhjálmur Þ Vilhjálmsson var ekkert látin taka pokann sinn. Hins vegar var það Björn Ingi Hrafnsson sem sleit þessu samstarfi og hætti síðan þátttöku í borgarmálum.

Hins vegar er ég sammála þér það mætti fleiri fara undir það tek ég.

Jóhann Páll Símonarson. 

[Kristinn Sigurjónsson, 31.5.2008 kl. 17:13]

Blessaður og þakka þér fyrir athugasemdina Jóhann.

   Þegar ég sagði að Vilhjálmur hafi verið látinn taka pokann sinn, þá var það ekki í sömu merkingu og vanalega er átt við.   Aðilar í OR og REI  matreiddu málið þannig að Vilhjálmur og meðfylgdarlið trúði því að þarna væru stórkostlega tækifæri sem ekki mátti missa af.   Síðan  kom í ljós að þetta var nánast hvít lýi, en ekki svo að þarna hafi verið um beinan blekkingarvef að ræða, heldur smá letur neðst í skjalinu.  Vilhjálmur trúði og treysti trúnaðarmönnum sínum, og það er ekki nema gott að menn hafi traust.   Allir meðreiðarmenn Vilhjálms hlupu í skjól og skildu hann einan eftir í framlínunni.   Það er slæmt þegar menn misnota traustið, hvort sem það er í annarra þágu eða til að mylja gull undir eigin rass eins og í þessu máli.   Vilhjálmur var svo gerður að blóraböggli og frami hans í pólitík er sennilega liðinn, hann er að taka Pokann sinn nú á næstu misserum og árum (fram að næstu kosningum)