Deyjandi miðborg

Í mogganum í dag er frétt af enn einni versluninni í miðbænum sem er að loka.

Í nútíma samfélagi þá vilja menn komast á sína áfangastaði með einföldum og skjótum hætti, þ. e. a. s. á einkabíl, sem bíður fyrir utan hjá manni.   Þess vegna leita menn að þeim þjónustustöðum sem hafa greitt bílaaðgengi og næg bílastæði.   Hvorugt af þessu er í miðbænum.   Þess vegna fara alltaf færri og færri í miðbæinn til að versla.  Eftir sitja svo knæpur, því þeirra viðskiptavinir eru ekki á bílum.    Borgaryfirvöld hafa verið að leyfa byggingu hvers stórhýsisins á fætur öðru, án þess að laga bílasamgöngur eða bílastæði.   Er nema von að verslun fari í úthverfin og nágrannasveitafélögin sem sjá sér hag í þessari óstjórn Reykjavíkurborgar

Sjá einnig blogg  Berg Thorberg

Athugasemdir

[H.T. Bjarnason (IP-tala skráð) 2.7.2008 kl. 11:06]

Hér er ein lausn fyrir bílstjóra ... bílastæðahús.  Hvernig væri að nota þau einhverntíma?  Og það þýðir ekki að koma með mótrökin, "Íslendingar vilja ekki nota bílastæðahús."

[Kristinn Sigurjónsson, 2.7.2008 kl. 11:40]

Það er rétt, Íslendingar hafa ekki alist upp með bílastæðishúsum, en það er að breytast.   Ég tel almennt að samgöngumannvirki eins og bílastæði og veggöng ættu að vera sem mest neðanjarðar.  Það væri lausn (dýr) sem mætti nota meira.