Rauðar pillur og Dagur

Það er lán að það er Dagur sem ætlar að skrifa upp á rauða pillu gegn rugli.    Því annað eins Rugl hefur ekki verið í borgarmálum og eftir að R-listinn (lesist Rauði -listinn) tók við borgarmálum.   Stjórnunarkostaður hefur tvöfaldast, húsnæðis verð hefur tvöfaldast aðallega vegna okurverðs R-listans á lóðum.   Það ætlar ekki að ganga til baka þótt harðnar á dalnum, því með auknum tekjum þá jukust útgjöldin.   Samgöngumálin eru í ógöngum og umferðaröngþveitið hefur tvöfaldast.    Það er lán að Dagur getur fengið mörgum sinnum  tvöfaldan skammt af Rauðum pillum gegn R-Rugli.

Það er aftur á móti alþekkt og mikil reynsla af því að bláu pillurnar gefa kraft og potens. 

Rós og ráð gegn rugli

Athugasemdir

[Páll Geir Bjarnason, 21.8.2008 kl. 00:28]

"húsnæðis verð hefur tvöfaldast aðallega vegna okurverðs R-listans á lóðum"

Ertu að grínast? Ótrúlega vitlaus orð af vörum Háskólagengins manns.  Bankarnir og þanið hagkerfi eiga s.s. enga sök?

"Samgöngumálin eru í ógöngum og umferðaröngþveitið hefur tvöfaldast."

Það var sem sagt borgarstjórnarflokkur R-listans sem lagðist í stóraukinn innflutning á bílum þegar blágræna hagkerfið var á stjórnlausu sterafylleríi?

Þú virðist týpískur blindur og þægur flokkshundur sem lítur á stjórnmál eins og einhvern fótbolta. Heldur alltaf með þeim bláu þó þeir séu að falla um deild.

[Kristinn Sigurjónsson, 21.8.2008 kl. 10:07]

Vegna þess að R-listinn úthlutaði fáum lóðum, þá fór lóðaverð (og gatnagerðagjald ) úr 3-4 millj í rúmar 11 milljón og markaðsvirði lóða í 15 - 20 milj,  Þetta er fjórföldun á gjaldi og kallast skattar sem engin heimild er fyrir.   Á eftir spiluðu svo nágrannafélögin með,  en hafa þó verið nokkuð lægri með sambærilegar lóðir og sótt mikið af íbúum höfuðborgarsvæðisins.   Vissulega hefur mikið framboð á lánsfé valdið húsnæðishækkun, en sú hækkun gengur nú til baka, en það stoppar þegar söluverð = lóðaverð + byggingakostnaður, svo einfalt er það.

Það eru komin næstum 15 ár síðan farið var að tala um mislæg gatnamót á milli Kringlumýrabraut og Miklubrautar.   Þarna er kaos,   Það er verið að byggja 10 þúsund manna vinnustað í Vatnsmýrinni en íbúðabyggðin er í austurhluta borgarinn.   Það er mjög vont núna og á eftir að versna mikið.
Aukning bíla er bara fylgifiskur velmegunar, hvað sem Dagur eða Gísli Marteinn segja og vandinn mun bara vaxa þótt þeir gefi í strætó.    Það vantar stórlega samgöngumannvirki í Reykjavík.   Fólk sem býr í Keflavík og sveitafélögunum þar í kring segja að ferðatíminn til Reykjavíkur sé minni en tíminn í Reykjavík.   Sama segja þeir sem búa í Hveragerði og þar í kring.

Það er spurning hver er á sterum, en ég er ekki í bláa flokknum (D), reyndar nokkur andstæðingur hans, þó sérstaklega í landsmálum.   Auk þess hef ég engan áhuga á fótbolta, en mikinn áhuga á stjórnmálum

[Páll Geir Bjarnason, 21.8.2008 kl. 17:32]

"Vegna þess að R-listinn úthlutaði fáum lóðum, þá fór lóðaverð (og gatnagerðagjald ) úr 3-4 millj í rúmar 11 milljón og markaðsvirði lóða í 15 - 20 milj"

Og það er R-listanum að kenna? Ekki spákaupmennsku, auknu lánsfé og þenslu að kenna? Auk lóðabrasks byggingaverktaka? Mér finnst eins og þú sért að benda í ranga átt. Ég kenni hömlulausri neysluhyggju um.

Ég er sammála að úrbóta er þörf í gatnakerfi Rvíkur. Ég er líka á því að þar þarf að horfa meira til framtíðar. Ekki alltaf vera að bregðast við vanda heldur haga uppbyggingu þannig að fyrirséður vandi er leystur áður en kaos hlýst af. En hins vegar er gatnagerð háð fjárlögum Ríkisins og því ekki einungis hægt að benda á R-listann. Það er einmitt aðallega hinir flokkarnir sem hafa hingað til setið í samgönguráðuneytinu (þó B sé hluti af R).

Þú afsakar ef ég hef að ósekju kallað þig sjálfstæðismann. Leitt að hafa beitt þig slíku ofbeldi ;) Tilvísun í fótbolta var aðeins ætlað að vera til útskýringar á stjórnmálaviðhorfum alltof margra Íslendinga.