Þarf ekki að fá aðra í ölgerð Egils

Það er nokkuð undarlegt að ölgerð Egils Skallagrímssonar þurfi að segja upp fjölda starfsmanna og lækka laun annarra, þegar þeir nánast vinna í vernduðu umhverfi.    Virðisauki þeirra vöru er nánast öll innanlands, og þar er vatn og rafmagn mjög ódýrt miðað við samkeppnisaðila erlendis, sennilega er kolsýra hér á landi einnig á góðu verði, alla vega miðað við gengi.   Eina erlenda varan eru þurrefni, eins og sykur, bragðefni og sambærilegar efni til bjórgerðar.    Þeir hafa selt sína vöru á sambærilegu verði og innfluttar vörur þrátt fyrir að gengið hafi fallið um meira en 100% á liðnum 2 árum.  Túristar voru fleiri en nokkru sinni fyrr og það gefur ómælda möguleika á markaðssetningu og sölu á bjór.    Þessir stjórnendur ættu að leita sér að annarri vinnu, ef þeir geta ekki rekið fyrirtækið við þessar aðstæður.   Þeir bera við gjöld á álögur, en það kemur líka á innfluttar neysluvörur.

Uppsagnir vegna skattahækkana

Athugasemdir

[Hannes Baldursson (IP-tala skráð) 30.11.2009 kl. 18:32]

"Þessir stjórnendur ættu að leita sér að annarri vinnu, ef þeir geta ekki rekið fyrirtækið við þessar aðstæður".

Eru stjórnendur ekki að vinna vinnuna sína þegar þeir bregðast við breyttum aðstæðum, í hvora áttina sems þeir fara?  Ég sé þetta amk. þannig að þeir séu að gera nákvæmlega það sem þú sagðir; þe. reka fyrirtækið við þessar aðstæður - möo. að vinna vinnuna sína.  Ég er ekki svo mikið að taka upp hanskann fyrir stjórnendurna, frekar að gagnrýna  skattagræðgina sem virðist ætla að ná fótfestu hér á landi. 

[Sigurjón, 30.11.2009 kl. 18:36]

Sæll Kristinn.

Mér sýnist þú ekki hafa mikinn skilning á þessu reikningsdæmi.  Gaman væri að sjá þig koma með tölur máli þínu til stuðnings.

Kv. Sigurjón

[Geir Ágústsson, 30.11.2009 kl. 20:13]

Með forsendum bloggara þá hlýtur Ísland Steingríms J. og Jóhönnu að sjá fram á mun fleiri og dýpri skelli. Það er rétt að Ölgerðin er ekki að flytja eins mikið inn og mörg önnur framleiðslufyrirtæki á Íslandi, svo önnur framleiðslufyrirtæki þurfa sennilega að taka á sig ennþá meiri niðurskurð.

[Ólafur Þórðarson, 30.11.2009 kl. 21:30]

Er fyrirtækið með helling af lánum og veðsett eins og allt annað? Og ef svo er, er það ekki einmitt vandinn?

[Kristinn Sigurjónsson, 30.11.2009 kl. 22:05]

Blessaður Sigurjón.   Ég er að sjálfsögðu ekkert inni í rekstrartölum Ölgerðarinnar, þeir eru nú búnir að þreigja þorrann í meira en 90 ár.  Einnig á tímabili þar sem gengið hefur verið mjög sterkt og gengisvísitalan fór niður fyrir 110 stig,    Nú hefur hún staðið föst fyrir ofan 230 stig, og oft nærri 240 stigum, eða meira en helmingi veikar en það sem hún var hvað sterkust.   Á þessum tímum hefur fjöldinn allur af fyrirtækjum sprottið upp sökum góðrar samkeppnisstöðu íslensk iðnaðar, sum verið bara verið á innanlandsmarkið en sum á útflutningaarkaði.   Þessi fyrirtæki spanna allt frá prjónastofum, til tölvuleikja og allt þar á milli.   Ég las í blöðunum fyrir nokkru síðan að ein af þessum líktu brugghúsum úti á landsbyggðinni væru að spá í útflutning.   Þar sem þú baðst um tölur máli mínu til stuðnings, þá fór ég á heimasíður vínbúðarinnar og sótti varð á nokkrum 5% bjórum í 500 ml áldósum og bar það saman við Egils Gull.

page { margin: 2cm } P { margin-bottom: 0.21cm } -->

Vara                                                Ísland         útlenskur bjór

Egils Gull                                          295

Budweiser Budivar (Tékkland)                              320      8% dýrari

Grolshe (Holland)                                                319     8% dýrari

Hollandia 5% (Holland)                                        259   12% ódýrari

Stella Artoria 5% (Belgia)                                    309     5% dýrari

Beck's                                                                329   12% dýrari

Holsten Festboc                                                   384   30% dýrari

 

 

Gengisvísitala 2006 - 2007 = 140

 

Gengisvísitala 2009 = 230

 

Hækkun gengis er í reynd nokkuð meiri, en almennt er talið vera 130 - 150 og er ekki fjarri lagi að miða við 140 og því er krónan nú  65%   veikari en í normal ári

 Því má svo bæta við að það var í fréttunum nú í kvöld (mánudag) að rafmagnið væri næstum 3 sinnum dýrara í Danmörku og varla er það ódýrar í Holland, Belgíu eða Þýskalandi.     Talsvert er flutt út af vatni og ekki bara á flöskum, heldur líka í gámum til áfengisdrykkjarvara, ekki þurfum við að gera það.

[Þorsteinn Bjarki Ólafsson (IP-tala skráð) 30.11.2009 kl. 23:37]

Það sem skekkir samkeppnisstöðuna hjá stærstu drykkjarvöruframleiðendum á Íslandi er myntkörfulánin sem hvílir á þeirra herðum.  Hef heyrt sögur af að Ölgerðin sé ekkert mikið minna skuldsett en Vífilfell en hef þó enga staðfestingu á því að það sé satt.

[Sigurjón, 1.12.2009 kl. 07:02]

Sælir.

Ekki veit ég hvort ölgerðin notar eitthvað af innlendu byggi til bruggunar, en ef svo er ekki, þá þurfa þeir að flytja allt inn nema vatnið og kolsýruna í bjórgerðina og líklegast gosdrykkina líka. Þetta hefur hækkað um 65% eins og þú segir (þó gengið hafi reyndar hækkað enn meir miðað við eins og það var bezt), en hækkun á bjór hér á landi undanfarið hefur aðallega verið vegna skattahækkana, sem ölgerðin fær ekki í sinn vasa.  Það er því alveg ljóst að það er búið að þrengja þeirra rekstrarskilyrði mikið, auk þess sem skuldirnar hafa hækkað vegna gengismunar og verðbólgu.  Athugum það.

Mér finnst ekki líklegt að þeir hjá Agli segi upp rúmlega 10% starfsfólks að gamni sínu, eða vegna þess að þeir klúðruðu einhverju í rekstrinum.

Kv. Sigurjón

[Júlíus Björnsson, 3.12.2009 kl. 19:23]

Yfirbyggingarkostnaður á flösku hefur alltaf verið óheyrilega miklu hærri en í nágrannalöndunum. Þrælalaunin lægri niðurgreidd með persónuafslætti.

Forstjóri sem selur á 3 milljóna markað á hann að hafa 10 sinnum hærri laun en sá Íslenski? Eða jafnhá?   

[Júlíus Björnsson, 3.12.2009 kl. 19:24]

Þeir segja upp fólki vegna minni framleiðslu.

[Guðmundur (IP-tala skráð) 2.1.2010 kl. 20:39]

Sæll Kristinn ;)

Ölgerðin er að gera margt annað en að framleiða bjór og gos.

Hún er meðal annars á fullu í innflutningi á alskyns matvöru, og er búin að byggja sér risastórt vöruhús utan um þá starfssemi, af nýja húsnæðinu fer aðeins brot undir eigin framleiðslu. Þannig að ég held að það sé frekar þáttaka ölgerðarinnar í rekstri ótengdum ölgerð sem er að setja þá á hliðina.