Það er alveg með ólíkindum hvað Svíar er fljótir að selja sálu sína hæstbjóðandi.  Nú eru þeir að slefa fyrir bandaríkjunum, og virða tjáninga- og fljölmiðlafrelsi einskis bara ef það hentar þeim.

Það hefur ekkert breyst hjá þeim síðan þeir buðu nasistum að ferðast í gegnum landið.

Leynimakk er forsenda lögbrota, svindl, svínarís og stríðsglæpa.  Því er besta ráðið til að hindra þetta að virða tjáninga og fjölmiðlafreslið og því þarf eð styðja Wikileaks.   

 Það er möguleiki á því með því að mæta á Austurvöll mánudaginn 17. jan.

	Segir Svía undirbúa framsal
Ábyrgðarmaður færslu Tilkynna um óviðeigandi tengingu við frétt

Nú á að leggja St. Jósefsspítalann í Hafnafirði undir Landspítalann.   Landspítalinn hefur aldrei þolað neina samkeppni eða samanburð.  Sem fyrrverandi starfsmaður Landakostspítalans, hef ég fylgst með því hvernig allar heilbrigðisstofnanir sem hafa annað hvort verið ódýrari, eða betri en Landspítalinn hafa grafið sína gröf með sínum gæðum.   Þegar Landakot var lagt niður, þá sagði ég að það væri bara tímaspurning hvenær Borgaspítalinn yrði settur undir Landspítalann og gekk það alveg furðuhratt, allt í nafni hagræðingar sem enginn hefur síðan geta sýnt fram á.   Þá sagði ég að St. Jósefsspítali verður næstur og nú er það að gerast.   Ég segi núna að það er bara tímaspurning hvenær spítalarnir í Reykjanesbæ, Akranesi og Selfossi verða einnig settir undir Landspítalann eða hreinlega lagðir niður.   Sökum góðra samganga við Reykjanesbæ og nálægðar, þá verða þeir sennilega næstir, enda er unnið hörðum höndum að því.   Nú er verið að tvöfalda suðulandsveg og svo verða önnur Hvalfjarðargögn gerð og þá eru framtíð sjúkrahúsanna á Akranesi og Selfossi ráðinn.  Það hefur verið sýnt fram á það að kragasjúkrahúsin eru miklu ódýrari en Landspítalinn, þannig var það einnig með Landakotspítalann, en samt eru þessi sjúkrahús lögð niður í nafni hagræðingar sem reynist svo vera öfugmæli.   Það er ljóst að það sem hrjáir heilbrigðiskerfið er æxli í heilbrigðisráðuneytinu sem er höfuð kerfisins og eins og önnur æxli, þá draga þau til sín allar orku og þegar þau eru í höfðinu þá verður ruglið og einstrengingshátturinn meiri.   Það er illt ef það þarf að afhöfða sjúklinginn til að lækna hann, en það gæti orðið eina leiðin.

	Spítalar sameinaðir 1. febrúar
Ábyrgðarmaður færslu Tilkynna um óviðeigandi tengingu við frétt

Nú ríða öfgahópar í borgarráði og fjölmiðlum í nafni frelsis.  Nú má ekki kenna nemendum neitt um þjóðtrúna og þar með mega þau ekki vita hvers vegna við höldum frídaga eins og jól, (annan í ) hvítasunnu, páskum, uppstigningadag og hvers vegna einn föstudagur á árinu er lengri en aðrir. Nú hlýtur það að gerast að annað hvort verði þessi frídagar aflagðir og allir mæta bæði til vinnu og skóla eins og aðra daga, eða við höldum okkur heima án þess að vita hvers vegna.

Nei vitleysan ríður ekki við einteyming.

Nú blæs mikið fárviðri í fjölmiðlum og umræðum um lögfræðiálit Seðlabankans um hugsanlegt lögmæti gjaldeyrislána.   Nú er það svo að það hafa mörg lögfræðiálit fallið um þessi mál og tveir héraðsdómar sem féllu á sitthvorn veginn.   Lögfræðiálit er enginn dómur, auk þess var það stofa úti í bæ sem vann það og það hefur nú annað eins komið frá lögfræðistofum úti í bæ.

Hafa menn velt því fyrir sér ef Seðlabankinn eða viðskipta-/forsætisráðuneytin hefðu birt álitið, en dómur fallið á annan veg, þótt ekki væri nema að hluta til, að einhver lán væru ólögleg en önnur lögleg.

Hæstaréttadómar hafa oft fallið á ótrúlegan veg, að mati leikmanns, og getur það m.a. stafað af því að oft liggja undir ástæður sem ekki koma fram í almennum fréttaumræðu, stundum eru ákvæði í öðrum lögum sem breyta niðurstöðunni og stundum hafa almenn viðhorf að því sem virðist haft áhrif.  Enda er hæstaréttadómur bara álit 5 lögfræðinga og 1-2 sérfræðinga (meðdómarar)

Í þessu máli var það skoðun allra sem lánin tóku að þeir voru að taka erlend lán og ætluðu að greiða erlendu lánin.   Þegar forsendu brustu með falli krónunnar, þá vildu menn ekki standa við þetta.   Hefði Hæstiréttur ekki geta tekið tillit til þessa.   Það var alltaf litið á þessi eignasöfn bankana sem eignasöfn erlendis.

Opinberar stofnanir geta aldrei birt lögfræðiálit, því ef dómur fellur ekki eins, þá gæti almenningur farið mjög illa, ef þeir breyta hegðun sinni eftir álitinu, t.d. neitað að greiða og svo fá dráttarvexti, fjárnám o.s.frv.   Þá væri skaðinn enn meiri, þótt núna hefði það orðið öðruvísi

Nú þegar Svandís umhverfisráðherra er búinn að herða reglur um mengun H2S, þá þarf að ganga þannig frá svæðum umhverfis hverasvæði og önnur náttúrusvæði að ferðamenn "fari sér ekki að voða" við hverasvæði eða önnur hitasvæði landsins.   Þetta verður að gerast annað hvort með því að banna þeim aðkomu eða útdeila gasgrímum áður en þeir hætta sér of nærri svæðinu.   Nú þarf að setja upp neyðaráætlun til að rýma allt suðurlandið ef Katla fer að gjósa.

Vitleysan  og vandræðin í kringum þessa konur taka engan enda

	Hertar reglur vegna aukins styrks brennisteinsvetnis
Ábyrgðarmaður færslu Tilkynna um óviðeigandi tengingu við frétt

Ólafur á Þorvaldseyri gæti notað tækifærið og komið upp veitingarekstri, jafnvel bændagistingu og leyfa ferðamönnum að sjá afleiðingar af eldgosinu.  Hann ætti að safna til sín hrauni og leyfa ferðamönnum að fá hraunmola.   Erlendis þekkist ekki hraun, og hraunmolar með öllum sínum litum eru ómetanleg verðmæti sem mætti nýta.   Ég heyrði af konu sem kom til Íslands frá Suðurevrópu og fyllti öll sín ílát af Sandi,  já sandi því hann var SVARTIR.   Það sem okkur þykir hversdaglegt og ómerkilegt, eru upplifun og undur hjá útlendingum

Myndirnar hjá Boston Globe eru frábær auglýsing, og gefur okkur stórkostleg tækifæri

	Gerir hlé á ræktun og búskap
Ábyrgðarmaður færslu Tilkynna um óviðeigandi tengingu við frétt

Miðað við alla þá gullmola sem er í rannsóknarskýrslunni þá finnst mér að það ætti að gefa hana út í skinnbókbandi með gylltu letri.

Bækurnar yrðu hin besta prýði í stofum alls heiðarlegs fólks, sem metur manngildi og heiðarleika einhvers

Það illt ef fólk mætir ekki á fyrstu þjóðaratkvæðagreiðslu lýðveldisins og sýnir að það vilji taka þátt í ákvörðunum sem skipta þjóðina máli.

Eitt af því sem tryggja þarf í nýrri stjórnarskrá er hvernig þjóðin getur krafist þjóðaratkvæðagreiðslu þótt þingið vilji það ekki.   Þingmenn vilja almennt ekki þjóðaratkvæðagreiðslu þótt þeir segi annað við almenning.   Það mun því verða ein af rökunum gegn breytingum á stjórnarskránni sem tryggja rétt þjóðarinn til ákvörðunar í eigin málum, verður einmitt dræm þátttaka.

Ef menn vita ekki hvað þeir vilja í þessari atkvæðagreiðslu þá er alltaf hægt að skila auður, það er líka afstaða, sem Jóhanna ætti að hugsa um.  Aðalatriðið er að mæta og taka þátt.