Hver er máltúlkun Hæstaréttaradómara

í banaslysi sem varð í Viðeyjarsundi þá deyr par í óvígðri sambúð.  Hann hafði gengið þannig frá málum að ef hann létist á undan, þá var henni tryggð ákveðin framfærsla með hans líftryggingu.   Nú vill svo til að þau deyja bæði í þessu hörmulega slysi.   Það er ekki neinum vafa undirorpið að hún notar ekki hans tryggingabætur til að framfleyta sér þar sem hún deyr í SAMA SJÓSLYSINU  en samkvæmt fréttinni þar sem vitnað er í dóminn segir

  "Því verði talið, að tveir aðskildir atburðir hefðu valdið því að maðurinn og konan létust og konan væri því rétthafi dánarbóta eftir manninn."  

Hann dó í sjóslysinu og hún dó vegna sama sjóslys, en hæstiréttur telur þetta tvo óskylda atburði.

 Er þetta ekki ein afleiðing þess að dómarar eru handplokkaðir af stjórnmálamönnum, og skyldi það ekki vera  fleira sem þarf að skipta út í þessu landi.   

Skyldi kannski vinsemd, og ættartengsl sem hafa einkennt þetta samfélag haft einhver áhrif, eða er það bara tilviljun að faðir konunnar er lögmaður.

Mér þykir bara mesta furða að dómstólar þessa lands skuli yfirleitt hafa nokkurt traust meðal þjóðarinnar

Fær ekki dánarbætur vegna slyss

Bullandi samkeppni eða samstæð stjórn á raforkumarkaðnu

Verið var að skipa nýjan stjórnarmann í Samorku og heitir hann Hörður Arnarson.   Eftir þetta þá er stjórnin skipuð

 Franz Árnason Norðuorka  (Formaður)
Hörður Arnarsons Landsvirkjun
Hjörleifur B Kvaran Orkuveita Reykjavíkur
Júlíus Jónsson Hitaveita Suðurnesja
Tryggvi Þór Harðarson Rarík
Þórður Guðmundsson, Landsnet.
Páll Pálsson Skagafjarveitum.

Er nema vona að það sé bullandi samkeppni á raforkumarkaðnum, bæði í sölu og dreifingu, enda allt undir vökulum augum Orkustofnunar

Hörður í stjórn Samorku

Icelandair, kemst upp með fákeppni

Það er alveg greinilegt að það hefur ekkert breyst í þessu þjóðfélagi.   Icelandair komst upp með að þvinga Iceland Express í þrot og er nú búið að fá það staðfest af héraðsdómi. 

Það var löngum ljóst að samkeppniseftirlitið er handónýtt og fyrir löngu kominn tími til þess að bæði stórauka framlög til þess og sennilega líka að skipta um yfirmenn.    Nú þarf það ekki að koma neinum á óvart að það er fullþörf á því að skipta um dómara líka, enda hafa þeir verið handplokkaðir af þeim sömu og sátu og sitja við kjötkatlana og mega ekki til þess hugsa að neinir aðrir komist þar að.

Þess ber að geta að Apótekarinn á Akranesi kærði eitt af stóru lyfjaverslunum til samkeppniseftirlitsins og er hann þegar búinn að færa þeim 2ja ára afmælistertu.  Þeir gera sennilega ekkert fyrr en hann er kominn í þrot eins og Icelandexpress forðum

Íhugar að áfrýja dómi

Skyldi Valtýr vita að kassakaupum embættis sérstaks saksóknar

Eva Joy krafðist þess að Valtýr Sigurðsson ríkissaksóknari viki úr embætti saksóknara, þar sem Sigurður sonur hans  hafi verið annar forstjóri Existu.  Hann taldi það af og frá að hann væri óhæfur, enda myndi hann ekki koma nærri rannsóknum á bankahruninu.    Nú væri gaman að vita hvort hann hafi vitað að embætti sérstaks saksóknara hefði lagerað sig upp af tómum pappakössum og embættið hefði líka fengið heimsókna frá SFO (Serious Fraud Office).   Valtýr hefur kannski trúað því að þeir væru til að sýna sérstökum ríkissaksóknara,  hvernig svona kassar eru settir saman svo botninn sé öruggur.   Skyldi Sigurður sonur hans hafa heyrt í pabba sínum nýlega, og rætt hvað hann hafi verið að sýsla við og hvort margir hafi verið í vinnunni undanfarið.   Gæti hafa farið fyrir Sigurði eins og Jóni Ásgeiri forðum daga, að hann hafi ekki verið í neinu tölvupóstsambandi sl. 2 ár, eða skyndilega þurft að kaupa sér nýjar tölvur.

Er einhver hissa á kröfu Evu Joly.   Hvar væri rannsóknin ef hennar hefði ekki notið við?

Aðgerðir banka í lausafjárkrísu

Enn og aftur eru að koma fram fréttir um það þegar peningum er mokað í vini og vandamenn bankamanna eins og þegar Glitnir eys peningum í Fons.    Menn mega ekki gleyma því að þegar bankarnir hrundu, þá voru þeir búnir að vera í lausafjárkrísu í yfir 2 ár.  Þá hefði maður haldið að þeir hættu að lána út peninga, en nýttu hvern aur sem inn kæmi til að leysa sína lausafjármál.   Í staðin moka þeir peningum út meir en nokkru sinni fyrr og megnið ef ekki allt með hæpnum veðum svo ekki sé meira sagt og nánast til örfárra útvaldra vina.   Þarna eru menn hreint og beint að stela peningum og allir sem með beinum eða óbeinum hætti komu að þessu, á að refsa samkvæmt broti þeirra.

Það var ljóst í yfir 2 ár,  að hvorki bankinn ætti fyrir þessu né að lántakendur  gæti staðið í skilum. Er þetta ekki það sem kallast einbeittur brotavilji.   Það verður sennilega dapurlegt að heyra dómsorðið þegar það verður kveðið upp, þetta verður sennilega tekið sem óheppni, eða í versta falli sem glámskyggni.

Glitnir mokaði fé í Fons

Forsetinn gerði það sem honum bar að gera samkvæmt stjórnarskránni

Tilgangur málskotsréttarins er að þjóðin geti stöðvar þingið, ef það er greinilega að fara þvert á vilja þjóðarinnar.   Það á ekki að vera háð því hvort forsetinn er með eða á móti málinu.   Þá er gæti forsetinn bara verið framlenging á löggjafarvaldinu, en ekki sjálfstæður.   Eins og staðan er núna, þá er gríðarlegur fjöldi sem hefur skrifað undir  InDefence  söfnunina og venjulega skoðanakönnun hefur bent til þess að almenningur vilji ekki samþykkja ICESAVE málið.   Í ljósi þess þá bar honum að skjóta málinu til þjóðarinnar.    Nú er ég samþykkur ICSAVE málinu og vil beina gagnrýni minni að þeim sem skrifuðu undir InDefencesöfnunina.    Nú þegar atvinnuástand er slæmt, þá ríður meira á að við samþykkjum lögin og komumst á sátt við erlendar þjóðir og banka.   Fyrr verða engar stórframkvæmdir á Íslandi.   Lánshæfismatið er hrunið og erlend ríki og bankar vantreysta íslendingum.   Helguvíkurálverið og orkuframkvæmdir tengdar því fara ekki í gang fyrr en búið verður að samþykkja lögin.   Gagnaverið var að stöðvast (af öðrum ástæðum) og það er hætta á því að þeir dragi lappirnar við gagnsetningu þess, sérstaklega þegar orkuöflun er óviss.   Þetta eru framkvæmdir sem eru byrjaðar og geta skapað mjög mörgum vinnu NÚNA, en nú fer það á ís í 2-4 mánuði vegna þjóðaratkvæðagreiðslunnar og verður i frosti ef lögin verða feld.   Sökin er þeirra sem skrifuðu undir hjá InDefence en ekki forsetanum

ESB metur Icesave-málið

Þarf ekki að fá aðra í ölgerð Egils

Það er nokkuð undarlegt að ölgerð Egils Skallagrímssonar þurfi að segja upp fjölda starfsmanna og lækka laun annarra, þegar þeir nánast vinna í vernduðu umhverfi.    Virðisauki þeirra vöru er nánast öll innanlands, og þar er vatn og rafmagn mjög ódýrt miðað við samkeppnisaðila erlendis, sennilega er kolsýra hér á landi einnig á góðu verði, alla vega miðað við gengi.   Eina erlenda varan eru þurrefni, eins og sykur, bragðefni og sambærilegar efni til bjórgerðar.    Þeir hafa selt sína vöru á sambærilegu verði og innfluttar vörur þrátt fyrir að gengið hafi fallið um meira en 100% á liðnum 2 árum.  Túristar voru fleiri en nokkru sinni fyrr og það gefur ómælda möguleika á markaðssetningu og sölu á bjór.    Þessir stjórnendur ættu að leita sér að annarri vinnu, ef þeir geta ekki rekið fyrirtækið við þessar aðstæður.   Þeir bera við gjöld á álögur, en það kemur líka á innfluttar neysluvörur.

Uppsagnir vegna skattahækkana

Aftur er dygðin orðin að glæp

Þegar ég var mjög ungur, þótti það dygð að spara, og mér voru innprentað máltækið „Græddur er geymdur eyrir“.    Svo þegar ég var bara ungur, þá ákváðu stjórnvöld að brenna upp spariféð og komust sjálfir í þá skemmtilegu stöðu að geta skammtað sér lánsfé hjá ríkisbönkunum og þannig upplifað gróða sem kallarður var verðbólgugróði.   Þetta var að ríða efnahagslífinu að fullu,  enda réðst afkoma fyrirtækja ekkert af rekstrahagkvæmni, heldur af aðgangi að lánsfé.    Sem betur fer var þetta hörmungaskipulag aflagt með komu verðtrygginga.    Aftur varð það dygð að spara, en óráðsía og ráðdeildarleysi að eyða um efni fram og fram í væntanlegar tekjur, en ekki út á unninn verðmæti.   Þá fór ríkið að skattleggja dygðina, því þeir sem lifðu um efni fram hafa alltaf verið eins og góðir bændur og barmað sér hástöfum.   Þetta olli því meðal annars að vextir hér urðu háir, vegna lítils framboðs á lánsfé, enda var slíkur gróði skattlagður eins og um þýfi væri að ræða.   Erlendis er litið á það sem dygð að spara og þar er mikið framboð af lánsfé og vextir lágir.   Er nema vona að óráðsíumennirnir sæktu sitt lánsfé erlendis.   Það kom að því að óráðsían kom aftan að þeim með gengisfalli krónunnar.   Nú ætlar ríkisstjórnin aftur að refsa hagsýnum og ráðdeildarsömum með 18% fjármagnssköttum eins og þetta væri þýfi.  Aftur er dygðin gerð að glæpi

Netlögga föst í 1984

Nú gengur tíminn til baka og við nálgums 1984 þar sem stóri bróðir fylgist með öllu.   

Þetta er atvinnuskapandi.   

Bretar fara að dæmi Frakka gegn sjóræningjastarfsemi

Ef það er smuga, þá er leið

Ef frumvarp félagsmálaráðherrans gefur heimild til að afskrifa skuldir, þá mun það gerast.  Þegar öldurnar lægir og umræðan er hætt, þá munu þeir sem ætluðu að græða á uppgangstímunum og skuldsettu þjóðina koma með her lögfræðinga sem í kyrrþey munu fá sínar skuldir felldar niður „eins og hjá hinum“.   Það er alveg öruggt að þeir munu troða sér í smuguna sem lögin veita.    Til marks um þetta þá var þessu keyrt eins hratt og hljóðlega í gegnum þingið og kostur er, og stór hluti þingmanna var fjarverandi.   Það er þá komið í ljós að innihald flokkana er það sama þótt skipt hafi verið um umbúðir.    Ef þjóðin kýs þessa flokka en einn ganginn, þá er það sukk og svínarí sem þjóðin vill.

Segja gagnrýni á ný lög fjarstæðukennda

Ríkið og séra Þorgerður Katrín

Í kastljósinu mánudaginn 19.okt 09, tókust Þorgerður Katríðn (D) og Guðfríður Lilja (VG) á um ICESAVE samningana.  Þar átti Þorðgerður Katrín ekki orð yfir því að ætlast væri til þess að Ísland greiddi skuldina upp í topp.   Þetta kemur henni sennilega spánskt fyrir sjónir að einstaka útvaldir þurfi að greiða sínar skuldir.   Það er íllt að vera ekki séra né giftur einhverjum séra.

Jón Ásgeir hefur alldrei þolað samkeppni

Það er lengi búð að loða við Stöð tvö að þeir hafa rekið alla sína bestu starfsmenn.   Nú síðast losuðu þeir sig við Sigga Storm.   Í ljósi þessa og viðtals við Jón Sulleberger þá virðist Jón Ásgeir ekki þora neina samkeppni, og virðist hann ætla að líkjast Berloconi forsætisráðherra Ítalíu ótrúlega mikið.

Eina ráðið til að fást við svona er að forðast samskipti og viðskipti við svona menn og fyrirtæki.   Nú eru fréttir á Stöð tvö í opinni dagskrá, við skulum bara fylgjast með hverjir kaupa auglýsingar í þeirri dagskrá og haga hegðun okkar eftir því.

Siggi Stormur kominn á Kanann

Bírókratið hennar Svandísar verður að lifa,

Það er alveg stórmerkileg skoðun hjá Svandísi í vísir.is og fyrrum manni ársins að setja umhverfismat vegna Helguvíkur í samræmt umhverfismat.   Þetta gerir ekkert gagn, en skapar mikla vinnu í bírókratinu, sem þegar er orðið stórt vandamál í landinu.    Það er sínu verra að þetta tefur fyrir því að vinna fari þarna í gang, sem gefur mörg þúsund sinnum fleiri vinnu en vinna við umhverfismatið, auk þess sem þetta mun gefa landinu miklar gjaldeyristekjur í framtíðinni.

Það sem Svandís áttar sig ekki á, er að þegar framkvæmdir hefjast að fullu, þá mun mikill gjaldeyrir flæða inn í landið, og það mun styrkja krónuna.   Á meðan Svandís er að skoða, hugsa og tefja málið, þá mun landinn blæða.  

 

Lokun St. Jósefsspítala í Hafnafirði og Reykjavík

Það er sagt að sagan endurtaki sig, og það má svo sannarlega segja um sparnað í heilbrigðiskerfinu.   Sigurjón Vilbergsson skrifaði grein í morgunbaðinu um það hvernig verið er að murka starfsemina úr St. Jósefsspítala.  Það er rétt að rifja upp endalok Landakotsspítala.  Það byrjaði með því að skrúfa fyrir fjármagnið, og þannig var lífið murkað úr spítalanum.  Hann varð að hætta að taka neyðarvaktir og fljótlega eftir það var hann yfirtekinn af Borgarspítalanum.   Ég spáði því þá að svona færi fyrir öllum spítölunum, þeir verða allir lagðir undir Landsptítalann.    Ástæðan er sú að það er öllum illa við að vera í samkeppni og á það ekki síst við um Landspiltalann.   Hann mun ekki linna látum fyrr en hann öll sjúkrahússtarfsemi verði innan hans ramma.   Allt í nafni hagræðingar, en það þarf að skoða hagræðinguna í því þegar Landakot var yfirtekinn af Borgarspítalanum og svo Borgarspítalinn yfirtekinn af Landspítalanum.   Í upphafi var umræðan sú að sameiningin kostaði sitt, en svo myndi þetta allt skila sér, síðan kom hljóð og það heyrðist hvorki hósta né stuna, enda er ráðamönnum illa við að tala um það þegar þeim tekst illa upp.    Það er undarlegt að Landspítalinn er aðal krabbameinsspítali landsins, en ræður ekki við eigið krabbamein.

St. Jósefsspítala lokað hægt og hljótt

Pólitíkin er skrítin tík

Nú hefur komið á daginn að Landsvirkjun gæti hafa  farið út fyrir ramma lagana með því að fjármagna breytingar á skipulagi Flóahrepps.     Það er minna talað um væntanlegt fjárstreymi verktaka inn í flokkvélar stjórnmálaflokka til að liðka fyrir breytingum á deiliskipulagi á höfuðborgarsvæðinu.

Ber þar hæst núverandi umræða um að breyta Ingólfstorgi, en listinn er langur og er um allt land.  Það er skrítin tík þessi pólitík, og hún er auk þess siðspillt tík.

Eiga skattar Þorsteins Márs að fara í heilbrigðiskerfið eða til sérstaks ríkisskattstjóra

Ég hefði kosið að sjá skattana hans Þorsteins Márs fara í það að rannsaka fall Glitnisbanka.   Það væri nú verðugt að sjá skatttekjur hringrásarvíkingana fara í að skoða leið útrásarpeningana og breyta þeim í innrásarpeninga.  Sagan er jú alltaf að fara í hring.

Þorsteinn Már: Vill helst sjá skattana fara í heilbrigðiskerfið

Er verið að afskrifa skuldir sjávarútvegsins ?

Fyrir nokkru var Gylfi Magnússon viðskiptaráðherra , spurður að því hvort verið væri að afskrifa skuldir í bönkunum, og var hér aðallega átt við skuldsett úrgerðafélög.  Hann svaraði engu, og sagðist líti vita um þetta.  Mig minnir að hann hafi sagt að það yrði að bjarga vermætum.   Ekki veit ég hvernig niðurfelling skulda getur komið í veg fyrir að skip sökkvi eða frystihús brenni, en það eru einu verðmætin í útgerðafyrirtækjum sjávarplássanna.   Það mátti nú greinilega heyra á milli orðanna að það ver verið að vinna á fullu í þessu.

Nokkru seinna koma svo bankarnir og tala um að afskrifa hluta skulda hjá mjög skuldsettum heimilum, þarna var greinilega verið að ryðja brautina fyrir því að afskrifa skuldir hringrásarvíkinganna, ekki síst þeirra sem bera kvótakórónuna á höfðinu.

Nú birtist á fréttavef RUV, viðtal við Árna P Árnason félagsmálaráðherra, um að bankarnir hafi fullt frelsi til að afskrifa skuldir eins og þeim listir, og engar almennar reglur verður sett um það.   Svo eru skuldsett heimili notuð til að réttlæta niðurfellingu skulda hjá kvótakóngunum.    Skyldi ég hafa möguleika á að fá fellt niður jafnmiklar skuldir (þótt ekki væri nema hlutfallslega jafn miklar) og kvótakóngarnir.  Eru ekki allir búnir að gleyma afskrifta leiðinni, þar sem afskrifa átti 5% af kvótanum á hverju ári, og setja á markað.   Ekki var gjöf á strandveiðikvótanum til að styðja það.   Með sölu á kvóta og aflaheimildum má ná miklum tekjum fyrir ríkissjóð, og sá hluti útgerðarinnar sem ekki fór í braskið, hefur vel efni á því, þar sem bæði krónan, launin og olían er á mjög lágu verði, en þetta eru allt helstu útgjaldaliðir útgerðarinnar en tekjurnar hafa haldið verði sínu furðu vel í erlendri mynt og rokið upp í íslenskum krónum.

Er nema vona að bótasjóðurinn sé á bjargbrún

Var ekki búið að veðsetja eða lána bótasjóð Sjóvá,   Kannski hefur það verið bygginu á lúxushóteli og öðrum munaði sem var ástæðan.

Rifta kaupum á húsi í Macau

Efnahagsbrotad. ríkislögr. ætti að spjalla við Ragnhildi Geirsd.

 Í ljósi þess að efnahagsbrotadeild ríkisrannsóknarstjóra er að skoða viðskipti Hannesar Smárasona með peninga FL Group þá væri nú væri gaman að fá að vita fyrir hvað Ragnhildi Geirsdóttir fyrrum forstjóra Flugleiða hafi verið greitt fyrir að halda kjafti.   Það er greinilegt að þessi ferill hefur byrjað um leið og Hannes  fór í stjórnarformannsstól Flugleiða.    Efnahagsbrotadeild ríkislögreglustjóra ætti nú að spjalla örlítið við hana.

„Endurskoðendur vernduðu stjórn FL"

Fórnarlambið þarf svo að skipta um skóla

Samkvæmt öllum hefðum og venjum, þar sem börn og unglingar (og fullorðnir einnig) verða þess valdandi að beita skólafélaga sinn einelti og ofbeldi, eins og gerðist nú þegar 6-7 stúlkur á aldrinum 16 til 17 ára fórum með stúlku í Heiðmörk og gengu í skrokk á henni.   Í þessu tilfelli eins og örðum sambærilegum, þá verður fórnarlambinu refsað enn frekar með því að það neyðist til að skipta um skóla.  Í því atviki sem nú gerðist þar sem Þetta er venjan í eineltis og ofbeldismálum

Fjölskyldan er í sjokki