Er séra Jón jafnnari fyrir lögum en Jón ?

Allir vissu, að allir eru jafnir fyrir lögum, flestir vissu að sumir eru jafnari fyrir lögum en aðrir, eftir því hversu mikla peninga þeir eiga, en svo hafa einstaka uppgötvað, að einn og einn eru minna jafnir fyrir lögunum, sérstaklega ef þeir reyna að koma öðrum undir lög og reglur.

Eins og dómarar séu valdalaus verkfæri

Eins og dómarar séu valdalaus verkfæri í höndum stjórnvalda ......   Þannig lagðist Björn Bjarnasyni orð í munn á þingi vegna hlerananna.    Dómarar og lögreglustjórar er handvaldir af ríkisstjórninni og þannig er ríkisstjórnin, lesist stjórnvald að velja sér dómsvald sem hafi skoðanir eins og þeim þóknast.   Þetta kalla ég að sé það sama og þeir séu viljalausir.   Það hefur marg sannast, síðast í frægu kvótamáli.    Það er betra fyrir framkvæmdavaldið að hafa viljalaust dómsvald.

Bílstjórar, eldsneytisverð og vökulög

Ég verð að segja að ég hef mikla samúð með flutningabílstjórum í þeirra hrópi úti í eyðimörkinni.  Eldsneytisverð er hátt, en það versta er hversu lítill hluti þeirra rennur til vegamála.   Frekar vildi ég auka hlut þess til vegamála, bæði í dreifbýli og þéttbýli.   Það er staðreynd að alvarlegustu slysin eru þegar menn fara á öfuga akrein og lenda á umferð á móti.   Því væri verulegur akkur í því að byggja upp 1+2 vegi sem víðast, sem mætti svo breyta í 2+2 vegi seinna meir.    Svo mætti nota eitthvað örlítið af aurunum til að kaupa reglustikur og það margar handa vegagerðinni.   Því það er algjörlega óþolandi að sumir (flutningabílstjórar og aðrir með tengivagna) þurfa að keyra á bugðóttum vegi á lægri hámarkshraði en aðrir.   Þá eru venjulegt fólk á kraftmiklum bílum að fara fram úr við aðstæður sem eru ekki boðlegar, en vegagerðin býður okkur.
Ég hef líka samúð með flutningabílstjórum vegna krafna um hvíldartíma, það að ætla þeim að þurfa hvíla sig út í vegkanti eftir 4,5 tíma er fáránlegt, eins og annað sem ég hef heyrt er í sama dúr.  Flugmenn farþegaþotna fljúga í 11- 12 tíma, er skífa í flugvélunum.   Einhver kom í fjölmiðla og sagði að algengasta orsök bílslysa væri þreyta,  en það er líka langt á milli ökkla og eyra.  Það er skiljanlegt að akstur þeirra gangi ekki til lengdar út yfir nauðsynlega vökutíma, en það þurfa að stoppa eftir 4,5 tíma og hvíla sig  er fáránlegt.   Það sem er hættulegast í umferðinni er þegar menn verða samdauna umferðinni m.a. vegna hægagangs en ekki bara vegna syfju.  Þá gleyma menn sér og taka ekki eftir aðsteðjandi hættum.    Ég er ekki viss um að vitlaus vökulög lagi það ástand.

Stimpilgjöld, Uppgreiðslugjöld, Samkeppni og Íhaldið

Það stingur skökku við að það þurfi Samfylkinguna til að auka samkeppni á milli banka með niðurfellingu uppgreiðslugjalda.    Allar gjaldtökur við skipti á viðskiptavinum eru samkeppnishindrandi hvort heldur það er uppgreiðslugjald eða stimpilgjald.   Sjálfstæðisflokkurinn hefur staðið dyggan vörð um þessi gjöld og endurspeglar það betur enn nokkuð annað hug flokksins til samkeppni, svo ekki verði nú talað um sögu tryggingafélaganna, skipafélaganna, flugfélaganna að ógleymdu olíufélaganna, en þar ber hæst þegar kanadískt olíufélag ætlaði að opna bensínstöð í borg Davíðs, þá fengu þeir enga lóð. 

Nú eru stimpilgjöldin ekki afnumin nema af fyrsta láni til íbúðakaupa svo þessi niðurfelling mun ekkert auka samkeppnina seinna meir.   Niðurfelling uppgreiðslugjalds hefur samfylkingin talað fyrir en íhaldið orðið að kyngja.   Eigum við ekki láta verk Íhaldsins segja okkur hvað þeir hugsa, eða eigum við að láta þá sjálfa segja okkur það.  það er ekki gott samræmi þar á milli.

Olíuhreinsistöð á Íslandi

Nokkuð hefur verið rætt um olíuhreinsistöð á Íslandi.  Í kastljósinu þann 28. feb var rætt við sérfræðing í olíumálum,  Magnús Ásgeirsson og sagði hann að olíuhreinsistöðvar væru annað hvort nærri lindum eða markaði.   Það kom ekki fram að Ísland gæti verið mjög vænlegur kostur  fyrir olíuhreinsistoð.    Þegar olía er hreinsuð þá er henni skipt upp í mörg breytileg efni, allt frá gasi til tjöru.    Sum eru eldsneyti, önnur smurefni og enn önnur fara í efnaiðnað og tjara fer í m.a. í malbik .    Því getur verið æskilegt að hafa olíuhreinsistöð á Íslandi sem verður um leið dreifingarstöð fyrir hin mismunandi efni á mismunandi markað.    T.d.  gæti eldsneyti fyrir flugvélar og skip orðið meira eftir hérlendis og farið til Noregs, en olíuafurðir sem eru notaðar í efnaiðnaði farið til Bandaríkjanna og Þýskalands.   Því gæti Ísland orðið mjög álitlegur kostur fyrir olíuhreinsistöð.   Svo má ekki gleyma því að í landi þar sem menntunarstíg er hátt, þá þróast hátækni iðnaður í kringum hann.   Þar höfum við Noreg sem gott dæmi, þar er bortækni og olíutækni á háu stigi.

Vilhjálmur, álit borgarlögmanns og restin af borgarstjórnarflokkinum

Allt uppistandið í kringum Vilhjálm Þ. Vilhjálmsson er vegna þess að fram kom í skýrslunni um REI málið að umboð borgarstjóra væri óljóst.   Þá fara fjölmiðlar að spyrja Vilhjálm hvort hann hafi leitað álit borgarlögmanns.   Það hafði hann ekki gert en ætlar að kjafta sig út úr þessu.    Mér er það mjög til efs að borgarstjórar hafi fengið formlegt umboð borgarlögmanns þegar þeir skrifa undir pappíra, hvorki stóra né smáa.    Þeir hafa borgarstjórn á bak við sig sem svo samþykkir gjörninginn.    Mér er það til efs að sótt hafi verið álit borgarlögmanns um umboð borgarstjóra til að selja hlut Reykjavíkur í Landsvirkjun en það var þó stærri biti en sá sem stóð í Vilhjálmi.

Það sem gerðist núna var að borgarstjórnarfulltrúar sjálfstæðisflokksins sáu að þetta var óvinsælt mál og hlupu í felur og skildu Vilhjálm berskjaldaðan eftir á víglínunni.   Það eru þeir sem eru helstu valdar þess að flokkurinn hefur orðið að hörfa aftur á víglínunni. 

Grátur vegna skuldatryggingaálags

Bankarnir gráta óskaplega vegna skuldatryggingaálags.     Þegar þeir voru að lána almenningi sín bestu lán þá var það á 4,15% vöxtum og fór fljótlega hækkandi í 5,1% og ofan á þetta bættust svo verðbætur upp á 4-6 %.  sem gerir í heildina.  Þetta gerir liðlega 11 % vexti.    Fjárfestingabankinn var þá að bjóða lán með innan við 4% sem voru nafnvextir án verðbóta.   Þetta var með álagi bankans,    Ég reikna með að hinir bankarnir hafi geta fengið erlend lán á svipuðum kjörum og Fjárfestingabankinn.    Ekki höfðu þeir áhyggjur af „Skuldatryggingaálagi“ okkar almúgans.   Eigum við að leifa þeim að gráta í öxlina okkar, eða kannski hafa þeir er enn borð fyrir báru, því þeir hafa einnig snar hækkað vextina til okkar og virðast enga samúð hafa með okkur.    Þetta minnir mig á sögu sem var eitt hvað á þá leið.   Fyrst komu þeir og tók kommúnistana og ég yppti öxlum.   Svo komu þeir og tóku gyðingana og ég yppti öxlum.   Svo komu þeir og tóku fatlaða og ég yppti öxlum.  Svo komu þeir og tóku .............   og ég yppti öxlum.   Svo komu þeir og tóku mig og þá var enginn eftir.     Eigum við að hafa samúð með þeim sem hafa matað krókinn svo um munar, með miljónir á mánuði og einn fékk 90 milj. í starflokasamning eftir að hafa komið einum bankanum næstum því á hausinn

Umburðalyndi í trúmálum

Það er skrítin afstaða öfgasinnaðra múhameðstrúarmanna að krefjast umburðalyndi gagnvart múhameðstrú en hafa svo ekkert umburðalyndi gagnvart rit- og tjáningarfrelsi vesturlanda.

Öfgatrú er alltaf til vandræða hvort heldur það er Múhameðs-, kristin-, gyðinga- eða stjórnmálatrú.   Múhameðstrú er að stofni til umburðalynd.  Á hinum myrku miðöldum þegar öfgatrú og þröngsýni stjórnaði kirkjunni þá var ríkjandi umburðalyndi og blómatími í arabaheiminum.  Nú er þessu öfug farið, þar sem öfgatrú er ríkjandi bæði í arabaheiminum og Ísrael.

Ættu ekki öll blöð í vestur Evrópu birta þessar myndir af og til, þangað til þetta öfgafólk hefur yfirgefið löndin, eða farið að átta sig á því að rit- og táningafrelsi er ein verðmætasta eign hvers frjáls einstakling 

Tímanna Stjórnmála Tákn

Það er tímanna tákn að einn heiðarlegasti stjórnmálamaður síðara tíma, Vilhjálmur Þ. Vilhjálmsson sem treysti nánum samstarfsmönnum sínum í REI málunum.    Þeir fóru á bak við hann í tálsýn að skjótum gróða og nú sitja þeir sem fastast við kjötkatlana, en Vilhjálmur situr fastur í gapastokknum

FL, Hannes og REI

Þegar REI málið var í uppnámi, þá stóð fyrir dyrum mikilvægur fundur á vegum FL Group í London.  Menn voru þá að leiða getum að því, að mjög lægi á því að klára þyrfti REI málið til að bjarga Hannes fyrir þennan fund.   Þessu var þá staðfastlega neitað, en síðan hefur komið í ljós að dagar Hannesar hjá FL Group eru taldir,  FL Group lenti inn á gjörgæslunni hjá Jóni Ásgeiri og samkvæmt skýrslu Svandísar Svavarsdóttir þá er aðkoma FL Group nokkuð sérstök svo ekki sé meira sagt.   Ætli það eigi ekki eftir að snúa einhverjum steininum við